Bosniya və Herseqovinanın Təhlükəsizlik naziri Faxruddin Radonçiç respublika hökuməti tərəfindən Mostarı dezinfeksiya etmək üçün dəvət olunan rusiyalı hərbçiləri ölkəyə buraxmayıb.

Bu barədə Lenta.ru xəbər yayıb.

Bildirilir ki, bununla bağlı Rusiya səfirliyinin notasına cavab olaraq ölkənin Xarici İşlər Nazirliyi buraxılış məsələsinin Prezidiuma göndərildiyini bildirib.

Daha əvvəl Rusiya Müdafiə Nazirliyi Serbiyaya koronavirusla mübarizədə kömək edən rusiyalı hərbi mütəxəssislərdən bəzilərinin Bosniya və Herseqovinaya göndəriləcəyini bildirmişdi.

Son məlumatlara görə, Bosniya və Herseqovinada 1 781 nəfər koronavirusa yoluxub, onlardan 70-i ölüb.