"Bavariya" qapıçısı Manuel Noyerlə yeni müqavilə ilə bağlı əvvəlki kimi razılığa gələ bilmir.

Qol.az "Bild"ə istinadən xəbər verir ki, o, bu dəfə Münhen təmsilçisinin qarşısına yeni tələb qoyub. 34 yaşlı qolkiperin bu dəfə klubdan ilinə 20 milyon avro maaş istədiyi bildirilib.

Xatırladaq ki, bundan əvvəl Noyerin "Bavariya"dan 2025-ci ilin yayına kimi müqavilə tələb etdiyi vurğulanırdı. Klubun isə onun istəyini qəbul etmədiyi və 2023-cü ilin yayına qədər müqavilə təklif etdiyi iddia olunurdu.