Çində başlayan və dünyaya olduqca təsir edən koronavirusla bağlı tibbi araşdırmalar davam etsə də, ard-arda yardım kampaniyaları da təşkil edilir.

Axşam.az xəbər verir ki, karantin səbəbilə bütün dünyada ailə içi şiddət görənlərin də sayı artıb.

Bu səbəblə “Tvitter”in sahibi Cek Dorsi və dünyaca məşhur müğənni Rihanna şiddət görən insanlara 4,2 milyon dollar ianə edib.

32 yaşlı ifaçı Klara Lionel Vəqfi ilə 43 yaşlı biznesmen pulu Los-Anceles Bələdiyyə Fonduna bağışlayıb. Hər həftə Los-Ancelesdə 90-dan çox insanın ailə içi şiddət səbəbilə sığınma evlərinə yerləşdirildikləri bildirilir.

Qeyd edək ki, ianə edilən pulla 10 həftə 90 şiddət qurbanına hüquqi, mənəvi və maddi yardım göstəriləcək.