Qırğızıstanın sabiq prezidenti Almazbek Atambayev və ailəsinə aid olan bütün bank hesablarına, şirkətlər və digər mülkiyyətlərinə həbs qoyulub.
"Ölkə.Az" Qırğızıstan mediasına istinadən xəbər verir ki, ölkənin Baş Prokurorluğu ona aid olan səhmlərə və əmlaklara, hətta bağ evlərinə, avtomobillərə həbs qoyub. Siyahıya beş lüks avtomobil, bir yaylaq evi, üç bağ evi, dörd istirahət məkanı, Atambayevin həyat yoldaşına aid onlarla mənzil, avtomobillər, təsisçi olduğu şirkətlər daxildir.
Qeyd edək ki, A.Atambayev 2011-2017-ci illərdə Qırğızıstanın prezidenti olub.